توته تطلع على بثك، تحتفل مع كل هدية، تشكر الداعم باسمه، وترد على الشات بلهجتك. تنسخ رابطين وتحطهم في OBS أو LIVE Studio، وخلاص.
تايتنLIVEتفاعل حقيقي مع جمهورك، بدون ما تشيل همّ الإعدادات.
إذا أحد سلّم أو سأل أو نادى الشخصية باسمها، ترد بفقاعة فوق راسها، بأسلوب أنت تحدده.
كرت فخم باسم الداعم وصورته وقيمة هديته. يتغيّر شكله حسب حجم الهدية، وتقدر تحط فيديوهاتك الخاصة كتنبيهات.
تبدأ اللعبة بكلمة أو ضغطة من الاستوديو، والمتابعين يدخلون بكلمة وحدة في الشات. والشات ما يهدأ.
دخول، ويطيحون واحد ورا الثاني لين يبقى البطل. والهدية درع.1 أو 2، والكبس والهدايا تسحب الحبل لفريقهم.تحدي @فلان والثاني قبول، وكل رسالة ضربة.قائمة حيّة على بثك تتحدث مع كل هدية ولايك، والكل يتنافس على المركز الأول.
هدف لايكات أو دعم بشريط يتعبى، وتصويت وألغاز يشارك فيها الشات.
شات المنصات الثلاث في مكان واحد على بثك، والشخصية ترد على الكل.
ترقص وتشقلب مع الهدايا الكبيرة، وتتربع ترتاح إذا هدأ البث.
أضف أسماء الداعمين وربع البث، والشخصية تعرفهم إذا أحد سأل.
أول ما تفتح لايف يتصل ببثك، ولو انقطع يرجع لحاله. ورابطك محمي وتقدر تجدده بضغطة.
وجه تايتن، وتطلع على بثك من أول يوم. جرّبها هنا بنفسك، وتحتها شخصيات خاصة صممناها لستريمرزنا.
شكل التنبيه يكبر مع قيمة الهدية، عشان كل داعم يحس بقيمته.
اكتب يوزر تيك توك حقك وباسورد جديد. ما نطلب منك باسورد تيك توك أبداً.
من الاستوديو انسخ روابط اللي تبيه (الشخصية، التنبيهات، التوب...) وأضف كل واحد كـ Browser Source.
تايتن يتصل ببثك تلقائياً، وتوته تبدأ تتفاعل مع الهدايا والشات.
أول ما تسجّل تاخذ تجربة كاملة فيها توته والردود الذكية وكل المميزات، بدون بطاقة. وبعدها اختار اللي يناسب بثك.
لا. الاستوديو تفتحه من المتصفح من أي جهاز، والأوفرلاي رابط تحطه في OBS أو Streamlabs كـ Browser Source.
تنسخ رابطين من الاستوديو وتحطهم كمصدر متصفح. الشرح خطوة خطوة بالصور، مع حلول أشهر المشاكل، في طريقة التركيب.
الشخصية والتنبيهات تطلع على البث لما تبث من الكمبيوتر، عن طريق OBS أو TikTok LIVE Studio. تطبيق تيك توك في الجوال ما يسمح بإضافة روابط على البث. وتقدر تفتح الاستوديو من الجوال وتتابع الشات والهدايا عادي.
أبداً. تايتن يقرأ أحداث البث العامة (الشات والهدايا واللايكات) باليوزر بس، وما يدخل حسابك ولا ينشر شي باسمك.
إذا أحد ناداها باسمها، أو سأل سؤال، أو سلّم. وما ترد على كل رسالة عشان ما تزحم البث.
أكيد. افتح الاستوديو التجريبي وجرب كل شي بدون حساب.
من الإعدادات في الاستوديو اضغط "تجديد الرابط"، والقديم يوقف فوراً.
بعد 7 أيام يصير حسابك على المجاني (التنبيهات بس) لين تختار باقة، وإعداداتك كلها تبقى. ما نطلب بطاقة للتجربة، وما ينسحب منك شي.
الاشتراك ما يتجدد تلقائياً: إذا خلصت الثلاثين يوم وما جددت، يرجع حسابك للمجاني وإعداداتك كلها تبقى مثل ما هي. ولو انتقلت من الأساسي للبرو أو العكس، الأيام الباقية تنحسب لك.
إيه. من الاستوديو تسميها اللي تبي، وتكتب أسلوبها (مثلاً طقطوقية أو هادية)، وهي تمشي عليه في ردودها.
إيه، نصمم شخصيات خاصة لستريمرزنا مثل مساعد وغيمة اللي فوق. كلمنا في الديسكورد ونتفاهم.
سجّل وجرّب كل شي 7 أيام مجاناً، وخلال دقيقتين توته تكون على بثك.
أنشئ حسابك مجاناً